«Բարսելոնայի» հարձակվող Լիոնել Մեսսին «Խետաֆեի» հետ հանդիպումից հետո նոր ռեկորդ է սահմանել' դառնալով առաջին ֆուտբոլիստը, ում Լա լիգայի պատմության մեջ մեկ մրցաշրջանի ընթացքում հաջողվել է սեփական հարկի տակ 28 գոլ խփել:
Նախկինում այս ռեկորդը պատկանում էր Բիլբաոյի «Ատլետիկի» նախկին հարձակվող Տելմո Զառային և Մադրիդի «Ատլետիկի» նախկին աստղ Բալտազարին, ովքեր սեփական հարկի տակ հանդիպումներում համապատասխանաբար 1950-51թթ. և 1988-89թթ. մրցաշրջանում 27 անգամ գրավել էին դարպասը:
Մադրիդի «Ռեալի» հարձակվող Քրիշտիանու Ռոնալդուն, ով ռեկորդ էր սահմանել' մեկ մրցաշրջանում դառնալով 40 գոլի հեղինակ, 2010-11թթ. «Սանտյագո Բերնաբեուում» հասցրել էր 26 անգամ գոլ խփել:

Մեսսին չէր կարողացել գրավել դարպասը Իսպանիայի առաջնությունում սեփական հարկի տակ 2 հանդիպումներում: Արգենտինացուն չէր հաջողվել գտնել «Սևիլիայի» և Խիխոնի «Սպորտինգի» դարպասի բանալին:
Նշենք նաև, որ 24-ամյա արգենտինացին անցկացրած 31 հանդիպումներում 39 գնդակ է խփել Լա լիգայում այս տարի և միայն մեկ գոլ է պակասում նրան Ռոնալդուին հավասարվելու համար:

ArmSport.am